Vakansiyalar haqqında məlumatı haradan əldə etmək və onlara necə müraciət etmək olar?
Vakansiyalar haqqında məlumat www.azergold.az saytının “Karyera” bölməsində yerləşdirilir. Müraciətlər yalnız elektron formada qəbul olunur. Namizədlər vakansiyanın üzərinə sıxmaqla ətraflı məlumat ala və müraciət formasını doldura bilərlər.
İşə qəbul prosesi necə aparılır?
Şəffaflığın təmin edilməsi məqsədilə bütün müraciətlər yalnız elektron şəkildə qəbul olunur. Namizədlər bir neçə mərhələdən ibarət işə qəbul prosesində iştirak edirlər. İşə qəbul prosesinin sonunda ən yüksək göstəricisi olan namizəd işlə təmin edilir.
İmtahan və müsahibə nəticələri barədə necə məlumat əldə etmək mümkündür?
İmtahan və müsahibə nəticələri ilə bağlı yalnız növbəti mərhəyə keçən namizədlərin şəxsi kabinetlərinə və ya e-poçt ünvanlarına məlumat göndərilir.
Elektron müraciət prosesində çətinlik çəkən namizədlərə dəstək göstərilirmi?
Bəli. Elektron müraciət zamanı texniki və ya prosedur baxımından çətinlik yaşayan bütün namizədlərə İnsan resurslarının idarə olunması şöbəsi tərəfindən zəruri dəstək göstərilir.
Test və müsahibələr nə üçün keçirilir?
Test və müsahibələr namizədlərin peşə bilikləri, məntiqi təfəkkürü, dünyagörüşü və vəzifəyə uyğunluğu baxımından qiymətləndirilməsi məqsədilə təşkil olunur. Bu mərhələlər vakansiyanın xüsusiyyətindən asılı olaraq dəyişə bilər.
"AzerGold" QSC-də karyera və peşəkar inkişaf imkanları necədir?
“AzerGold” QSC əməkdaşların daxili rotasiyası, peşəkar inkişafı və uzunmüddətli karyera qurması üçün geniş imkanlar təqdim edir. Əməkdaşlar üçün ixtisasartırma təlimləri və inkişaf proqramları təşkil olunur.
“AzerGold” QSC əməkdaşlarının öyrənmə və inkişafını necə dəstəkləyir?
Cəmiyyət əməkdaşların bilik və bacarıqlarının artırılması üçün yerli və beynəlxalq təlimlərə, seminarlara və peşəkar inkişaf proqramlarına cəlb olunmasına şərait yaradır.
Eyni anda bir neçə vakansiyaya müraciət edə bilərəm?
Bəli. Namizəd eyni vaxtda bir neçə uyğun vakansiyaya elektron şəkildə müraciət edə bilər.
Vakansiyalara müraciət üçün hansı sənədlər tələb olunur?
Namizədin CV-si (tərcümeyi-hal) və əlavə olaraq vakansiya üzrə tələb olunan sənədlər (diplom, sertifikat və s.) təqdim edilməlidir.
Hər hansı vakansiya üzrə işə qəbul müsabiqəsindən keçmədiyim halda, gələcəkdə yenidən həmin vakansiyaya müraciət edə bilərəm?
Bəli. Namizəd hər hansı vakansiya üzrə işə qəbul müsabiqəsindən keçmədikdə, eyniadlı və eyninövlü vakansiya üzrə 3 ay sonra müraciət edə bilər.
"AzerGold" QSC-də iş qrafiki necə təşkil olunur?
Hazırda "AzerGold" QSC-də işçilər növbəli və dəyişkən iş qrafikinə əsasən çalışırlar.
"AzerGold" QSC-də performans əsaslı bonus proqramı varmı?
Bəli. “AzerGold” QSC-də əməkdaşların nəticələrə əsaslanan fəaliyyətləri qiymətləndirilir və performansa əsaslanan bonus sistemi tətbiq olunur.
“AzerGold” QSC əməkdaşlarına hansı sosial təminatlar təqdim edir?
“AzerGold” QSC əməkdaşlara nəqliyyat, idman zallarından istifadə, korporativ nömrələr, mental dəstək proqramları, teambuilding fəaliyyətləri, təlimlər və ərazidə çalışan işçilərə qidalanma kimi sosial təminatlar təqdim olunur.
Hasilat sahələrində iş şəraiti necədir?
Hasilat sahələrində əməkdaşların təhlükəsizliyi və rahatlığı təmin olunur. İşçilər üçün yaşayış, qidalanma və tibbi xidmət imkanları yaradılıb. Ətraf mühit və əməyin mühafizəsi standartlarına ciddi əməl olunur.
