MƏXFİLİK SİYASƏTİ

1. Ümumi müddəalar

Bu Məxfilik Siyasəti (bundan sonra – Siyasət) “AzerGold” Qapalı Səhmdar Cəmiyyətinə (bundan sonra – Cəmiyyət) (ünvan: AZ1010, Azərbaycan Respublikası, Bakı şəhəri, Mikayıl Müşfiq 2H; telefon: +994 12 505 02 02; epoçt: [email protected]) məxsus olan və onun tərəfindən idarə olunan https://azergold.az internet informasiya ehtiyatının https://careers.azergold.az veb portalında (bundan sonra – Portal) toplanılan və işlənilən fərdi məlumatlara şamil olunur.

Portaldan istifadə edərək uyğun vakansiyaya müraciət etdiyiniz zaman Siz (bundan sonra – İstifadəçi) “Razıyam” seçimini təsdiqləməklə, bu Siyasətin şərtləri ilə razı olduğunuzu və Portalda təqdim etdiyiniz fərdi məlumatların Cəmiyyət tərəfindən “Fərdi məlumatlar haqqında” Azərbaycan Respublikasının Qanununun 8.1-ci maddəsinə uyğun olaraq toplanılmasına və işlənilməsinə yazılı razılıq verdiyinizi təsdiqləmiş sayılırsınız.

2. Toplanılan fərdi məlumatlar və onların işlənilmə məqsədi

Məlumatlar	Məqsəd
Ad, soyad və ata adı	Müraciətləri fərdiləşdirmək üçün
Cins	İşin spesifik xüsusiyyətlərinə uyğunluğu müəyyən etmək üçün
Fotoşəkil	Namizəd növbəti mərhələyə dəvət olunduğu zaman, vizual tanınması üçün
E-poçt ünvanı	Namizədlə əlaqə saxlamaq və bildirişlərin göndərilməsi üçün
Doğum tarixi	Əmək qanunvericiliyi tələblərinə riayət etmək və statistik hesabat üçün
Ailə vəziyyəti	Yalnız qanunvericiliklə tələb olunduğu halda işlənir
Vətəndaşlıq	Qanunvericilikdən irəli gələn öhdəlikləri yerinə yetirmək üçün
Faktiki yaşayış ünvanı	Vakansiyanın yerləşdiyi əraziyə uyğunluğu müəyyən etmək üçün
Mobil və ev telefonu	Namizədlə əlaqə saxlamaq üçün
Təhsil	Təhsil tələblərinə uyğunluğu müəyyən etmək üçün
İş təcrübəsi	İş təcrübəsi tələblərinə uyğunluğu müəyyən etmək üçün
Dil bilikləri	Dil tələblərinə uyğunluğu müəyyən etmək üçün
Təlimlər	Bacarıqların qiymətləndirilməsi üçün
CV	Vakansiya üzrə uyğunluğu qiymətləndirmək üçün
Diplom*	Təhsil tələblərinə uyğunluğu müəyyən etmək üçün
Şəxsiyyəti təsdiq edən sənəd*	Fərdin identifikasiyası üçün
Məhkumluq haqqında arayış*	İşin spesifik xüsusiyyətlərinə uyğunluğu müəyyən etmək üçün
Xarici pasport*	Fərdin identifikasiyası üçün
Hərbi bilet*	İşin spesifik xüsusiyyətlərinə uyğunluğu üçün
Sürücülük vəsiqəsi*	İşin spesifik xüsusiyyətlərinə uyğunluğu üçün

Qeyd: * işarəsi olan sənədlər yalnız namizəd növbəti mərhələyə keçdikdə tələb olunur.

3. Razılıq və imtina hüququ

İstifadəçi bu Siyasəti qəbul etməklə fərdi məlumatlarının 7-ci bənddə göstərilmiş müddətə toplanılmasına və işlənilməsinə razılıq verir. İstifadəçi istənilən vaxt [email protected] ünvanına müraciət etməklə razılığı geri götürə bilər.

4. Məlumatların üçüncü şəxslərə ötürülməsi

Cəmiyyət məlumatları üçüncü şəxslərə ötürmür. İstisnalar:

• Qanunvericilik tələb etdikdə
• İstifadəçinin yazılı razılığı olduqda

5. İstifadəçinin hüquqları

Hüquqlar “Fərdi məlumatlar haqqında” Qanunun 7-ci maddəsinə uyğun müəyyən olunur.

6. Məlumatların təhlükəsizliyi

Məlumatlar qorunan server infrastrukturlarında saxlanılır. Şifrələmə və kiberhücumlara qarşı təhlükəsizlik tədbirləri tətbiq edilir.

7. Saxlanma müddəti

Bütün məlumatlar 5 il saxlanılır və müddət bitdikdə arxivləşdirilir.

8. Siyasətə dəyişikliklər

Siyasət vaxtaşırı yenilənə bilər və dəyişikliklər Portalda yerləşdirildikdən sonra qüvvəyə minir.